Comments:
As per the request of our members and other web visitors, hereunder are the contents of my column BOSES NG PAMILYANG OFWs published in IMBESTIGADOR last September 8, 2003: Happy 2nd anniversary sa OFW Family Club at OFWs humihingi ng update sa investment scams... Binabati ko nga pala ang OFW Family Club na nagdiwang kahapon ng kanilang ika-2 taong anibersaryo sa Philippine Trade Training Center sa Pasay City. Ang nasabing foundation, na itinatag ni dating Ambassador Roy V. Seneres at ngayon ay chairman ng National Labor Relations Commission, ay aktibo sa pagbibigay ng iba’t-ibang serbisyo sa mga OFW at kanilang pamilya. Katuwang ng dating ambassador sa United Arab Emirates sa pagpa-public service ang kanyang maybahay na si Minerva at ang kanyang mga masisipag na anak gayundin ang iba pang dating OFW na natulungan niya na tulad nina Sarah Balabagan at John Aquino. Mabuhay ang OFW Family Club! * * * Marami tayong kapamilyang OFWs na nakikiusap na magbigay tayo ng update sa status ng mga kompanya na nasangkot sa investment scams at nakasuhan na. Ang kanilang mga pakiusap ay ipinaabot sa kolum na ito sa pamamagitan ng text (0916-7421768) at e-mail (gearcom@philonline.com) messages gayundin sa “Pamilyang OFWs-SMEs News Bureau” tuwing Sabado sa DZRJ 810 AM at sa Kabayan Radio na napapakinggan naman sa Hong Kong, Taiwan, Macau at Shanghai. Matatandaan na kamakailan ay inilathala namin ang exclusive report sa Top 9 Investment Scammers at ang ating mga kapamilyang OFW ay nagtatanong kung kailan tayo magbibigay ng update o follow-up article. Gayunpaman, may update tayo sa dalawang kompanya na nasangkot sa investment scams. Ito ay ang Power Homes Unlimited Corporation at Tibayan Group Investment Co. Ltd. Ang Power Homes ay inatasan ng Securities and Exchange Commission (SEC) na agad isauli sa mahigit 100,000 miyembro nito ang kanilang nai-invest at huwag nang magsagawa ng seminars o trainings na ang pangunahing layunin ay makaakit ng marami pang investors. Ayon kay Atty. Tomas Syquia, head ng Compliance and Enforcement Department ng SEC, kapag hindi tinupad ng Power Homes ang nasabing direktiba ay magreresulta ito ng agad na pagsasara sa operasyon ng kanilang kompanya. Nakasaad din sa SEC directive na ang Power Homes ay dapat nang huminto sa pangangalap ng investments sa Pilipinas at sa ibang bansa upang hindi na madagdagan ang magiging danyos nito sa mga posible pang mag-invest at kabilang na rito ay ang mga pamilyang OFW. Samantala, ang may-ari at mga director ng Tibayan Group ay kinasuhan na sa Quezon City Prosecutor’s Office dahilan sa kanilang pagkakasangkot sa “pyramid scam.” Ang mga kinasuhan ay sina Jesus Tibayan ng Tibayan Group Investment Co., Ltd., Matcor Holdings Co. Ltd. at Tibayan Group Business Gallery; Palma Tibayan, Nelda Baran, Rene Martinez, Eligio Banta, Jr., Celia Tibayan at Alrey Sabino Manago na mga director ng Tibayan Group Investment Co. Ltd. Kabilang sa mga nakapag-invest na sa Tibayan na dumulog na sa pitak na ito ay ang ilang OFWs at kanilang pamilya na ngayon ay nangangamba na posibleng hindi na nila mabawi ang kanilang investment. * * * Ito rin ang pangamba ng inyong lingkod kung bakit malimit nating talakayin ang OFW Bank Fund Solicitation campaign na isinasagawa ng OFW Net Foundation, Inc. at ng marketing arm nito na OFW International Holdings, Inc. nang walang kaukulang secondary license mula sa SEC gayundin ng authority at license mula naman sa Bangko Sentral ng Pilipinas. Ang kanilang solicitation campaign ay isinasagawa sa pamamagitan ng roadshows sa abroad gayundin sa internet. Sa Miyerkules ay ipagpapatuloy natin ang paggiyera sa mga investment scammers. Hanggang sa muli, mabuhay ang pamilyang OFWs!

Comments:
Good morning sir: Can you make it regular for us OFWs here in Taiwan to read regularly your column in Imbestigador every Monday, Wednesday and Friday through this website. Thank you and more power. Jaime Torres

Comments:
I heard your program in Kabayan Radio and I'm interested to join your organization. How can I join? Please respond soonest. Thanks and more power to your organization. Celso Gatdula

Comments:
Ano po ba ang mga oportunidad na ipinagkakaloob ng foundation para sa aming pamilya sa Pilipinas?

Comments:
We thank you for coming out with a truly helpful website for us the OFW and our family. Mabuhay kayo!

Comments:
Good morning sa inyo at sa lahat ng OFWs: Kailan kaya namin muling mapapakinggan ang inyong programa sa DZRJ? Mahigit isang buwan na pong natigil ang programa para sa aming OFWs at kami ay nasasabik na muli kayong mapakinggan. Sana ay magbalik na po kayo sa himpapawid sa lalong madaling panahon. Ben Castro