Comments:
BOSES NG PAMILYANG OFWs... Ni GEORGE A. ARRIOLA... For Monday (January 5) issue....... OWWA masasandigan nga ba?....... Bago ko nga pala bigyan ng espasyo ang liham ng isa nating kapamilya na bumabatikos sa serbisyo ng Overseas Workers Welfare Administration ay binabati ko muna ng isang “Manigo at Masaganang Bagong Taon” ang lahat ng mga mambabasa ng IMBESTIGADOR at ang aking mga kasamahan sa pahayagang ito gayundin ang mga miyembro ng Pamilyang OFW-SME Network Foundation, Inc. na nasa bansa, Hong Kong at sa iba pang panig ng mundo. Ang mga sumusunod ay ang nilalaman ng natanggap na sulat ng IMBESTIGADOR at Task Force Against Illegal Recruitment at Investment Scams o TIRIS mula sa dating OFW sa Hong Kong na si Marcela Espiritu: Dear sir: Ako ay lubos na nalulungkot sa kinahinatnan ng aking paglapit sa Overseas Workers Welfare Administration nang idulog ko sa kanila ang aking naging problema habang ako ay nagtatrabaho sa Hong Kong Special Administrative Region. Nanalo po ako laban sa aking dayuhang employer makaraang idemanda ko siya sa HK Labor Department pero ang napanalunan kong money claim hanggang sa ngayon ay hindi ko pa nakukuha. Maraming beses na akong nakipag-ugnayan sa OWWA dito at sa Hong Kong pero pinagpasa-pasahan lang nila ako. Hanggang sa ngayon ay wala pa rin silang maibigay na update sa processing ng aking napanalunang claim. Gusto ko pong itanong sa pamunuan ng OWWA sa pangunguna ni Administrator Virgilio Angelo kung kumikilos nga ba ang mga tauhan ninyo sa Hong Kong? Napag-alaman ko na may mga gagastusin sa aking claim at wala raw pondo ang Legal Division ng OWWA Hong Kong. We, OFWs, are giving our invaluable contribution to our country’s economic growth and sustainable development! This is the one of the main reasons why the government called us the “modern-day heroes.” Pero tama ba ang pagtrato sa amin ng government agencies na tulad ng OWWA? Magaling lang sila sa pangongolekta pero pagdating sa serbisyo ay kulang-kulang! Saan nga ba napupunta ang pondo ng OWWA? Hindi nakakapagtaka kung bakit maraming kaso sa ibang bansa ang nananatiling nakabinbin. Ito’y dahilan sa sistemang may binibigyan sila ng PRAYORIDAD. Ang tinututukan lamang ng OWWA ay ang mga kasong SENSATIONAL ang dating upang magkaroon sila ng malaking media mileage. Paano naman kaming mga OFW na hindi sensational ang kaso? Dahilan ba sa hindi sila makakukuha ng media mileage kaya’t sila’y nag-aatubili na kami’y tulungan. Hihintayin ba nila na kami ay manggulo o kaya ay madisgrasya bago kami tulungan? Aanhin pa ang damo kung patay na kabayo? Sana hindi ito mangyari sa aming mga OFW na hindi sensational ang mga kaso. Ngayon, sabihin ninyo sa aming mga OFW, masasandigan nga ba talaga ang OWWA? MARCELA ESPIRITU HK – OFW * * * Muli naming pinaaalalahanan ang ating mga kapamilyang OFW na naging biktima ng illegal recruitment at investment scams na laging handa si kapamilyang Atty. J. Oswald B. Lorenzo, pangulo ng Center for the Welfare, Protection and Legal Defense of OFWs, Inc. o OFWs Protect, na kayo ay tulungan upang makamit ang hustisya. Iyon naman na may problemang legal ay pwede ring mag-text sa ating 24-hour text messaging hotline na 0916-7421768. * * * Para sa inyong komentaryo o iba pang reklamo, text lang po kayo sa 0916-742-1768. Matutunghayan din po ninyo ang pitak na ito sa guest book ng website na pamilyangofw-sme.com. Dapat na magkaisa po tayong lahat upang ipaglaban ang karapatan at itaguyod ang kapakanan ng ating modern-day heroes at kanilang pamilya. Hanggang sa Miyerkules, mabuhay ang pamilyang OFWs! # # #

Comments:
I'm on vacation now but I will include in my agenda before I return to Saudi Arabia my visit to your office. More power to the POFWSMENFI and all the OFWs worldwide.

Comments:
I wish your foundation come out with a survey on the presidentiables. Thank you and more power to your association.

Comments:
Interested po ako na mag-member sa inyong foundation. Saan po ako pwedeng makipag-coordinate para sa requirements? I-e-e-mail ko sa inyo ang contact number ko.

Comments:
I read recently in the Manila Bulletin about your website and was impressed when I visited it. I was impressed because your organization was involved in many activities which are supported by government organizations and other non-government organizations. My comment -- A fantastic, informative and timely website.

Comments:
Interesado ako na maging active member ng inyong foundation. May chapter na ba kayo dito sa Iloilo? O kaya naman ay saan ang pinakamalapit na chapter sa aming lunsod? Mag-e-mail ako sa inyo para ibigay ko ang contact numbers ko sa Iloilo. Mabuhay kayo at advanced Happy New Year sa lahat ng OFWs!

Comments:
im hopping jesus tibayan will return my money ,im seaman who invest in tibayan group of company.

Comments:
Naniniwala ako sa adhikain ng inyong foundation at isa ako sa mga nagnanais na maging kapamilya ninyo. Mabuhay kayo at ang lahat ng OFWs at kanilang pamilya!

Comments:
Merry Christmas sa mga opisyal at miyembro ng POFWSMENFI. Mabuhay ang lahat ng OFWs sa buong mundo!

Comments:
Isa po ako sa mga OFW na natulungan ninyo habang nag-a-apply pa-Saudi. Magaganda ang inyong layunin sa aming mga OFW. Sana ay hindi kayo magsawa sa pagtulong sa aming OFW pati na rin sa aming pamilya. Mabuhay ang POFWSMENFI!

Comments:
Isa po ako sa mga interesadong mag-member sa inyong organisasyon. Maging ang pamilya ko na nasa Laguna ay interesdo rin. Bibisita po kami sa inyong opisina sa Pebrero pag-uwi ko dyan. Merry Christmas sa aking pamilya dyan sa Pilipinas, mga kasama ko rito sa Hong Kong at gayundin salahat ng OFWs at kanilang pamilya.