Comments:
Marami akong kamag-anak na OFWs na laging tumututok sa mga programa ninyong kabuhayan. Mabuhay ang inyong organisasyon na nagbibigay ng totoong serbisyo sa aming pamilya ng OFW.

Comments:
BOSES NG PAMILYANG OFWs... Ni GEORGE A. ARRIOLA... For Friday (September 3, 2004) issue... Multi-Level Marketers nag-aaksaya lang ng oras!... Pag-aaksaya lamang ng oras ang ginagawa ng ilang multi-level marketing (MLM) organizations, ayon sa apat na text messages na natanggap ng IMBESTIGADOR at Task Force Against Illegal Recruitment and Investment Scams o TIRIS. 0921-3181534: Sign of stupidity -- MLMers wasting time re: attending MLM briefings, filling up the room and clapping like monkeys so prospective victims will think MLM is worth joining! Jay Asuncion: Paalala lamang sa ating mga kapamilyang OFW na kung tayo’y nire-recruit para sumali sa multi-level marketing, tiyakin lang na may kapalit na produkto ang ating investment na pera at ang kita ay hindi ibabatay sa na-recruit na bagong miyembro. Kung hindi ay huwag na tayong tumuloy dahilan sa ito ay pag-aaksaya lamang ng inyong oras! Lina Cabrera: Nag-invest ako sa Powerhomes dahil sa paniniwalang ako ay magkakaroon ng sariling bahay at lupa! Sa ngayon ay naglahong lahat ang aking pangarap makaraang tuluyang ipatigil ng SEC ang kanilang operasyon. Nasayang lang po ang aking oras at nasira din ako sa mga na-recruit na mga kaibigan na naging biktima ng multi-level marketing operation ng Powerhomes. Efren Geronimo: Akala ko noon ay malaki ang aking kikitain kapag nag-invest sa multi-level marketing pero nagkamali ako dahilan sa mahirap palang mag-recruit ng member laluna’t marami na ang naging biktima pyramiding syndicates na tulad ko. Tatlong buwan din ang naaksayang panahon ko sa pagtutok sa MLM at halos masaid ang savings ko sa bangko na 5 taon kong pinag-ipunan! * * * Siguro naman ay magsisilbing aral sa ating mga kapamilyang OFW ang mga naging karanasan at payo ng ating mga kapamilyang nag-text. Para sa inyong lingkod, may mga kompanya naman na matitino na nagsasagawa ng multi-level marketing dahilan sa kanilang paniniwala na epektibo itong sistema upang madali nilang makakamit ang kanilang sales target. Ang problema nga lamang ay may mga produkto ang ilang kompanya na bukod sa hindi pa kilala ay mataas pa ang selling price kaya’t mahirap ibenta. * * * Bukas nga pala ay inaanyayahan namin kayo na makinig sa ating programang “Pamilyang OFWs-SMEs!” sa dzRJ 810 AM simula alas-3 hanggang alas-4 ng hapon. Ang mga natanggap nating e-mail at text messages na hindi natin naitatampok sa pitak na ito dahilan sa kakulangan ng espasyo ay babasahin natin sa nasabing isang oras na public service program para sa pamilyang OFWs at small and medium entrepreneurs (SMEs). Magbibigay tayo ng update sa anti-illegal recruitment campaign na isinasagawa ng ating pamahalaan sa pangunguna ni Chairman Reynaldo Jaylo ng Presidential Anti-Illegal Recruitment Task Force at sa anti-investment scams. Ito’y mahalaga sa ating mga kapamilya na gustong magtrabaho sa ibang bansa upang matiyak ang magandang kinabukasan ng kanyang pamilya gayundin iyong may naitabing pinaghirapang kita na gusto itong mapalago sa pamamagitan ng pag-i-invest. Sila ang pangunahing target ng illegal recruiters at investment scammers na mga “anay ng ating lipunan.” Tatalakayin din po natin sa ating lingguhang radio program ang iba’t-ibang “Proyektong Pangkabuhayan at Pang-Negosyo para sa Pamilyang OFWs.” Regular namin na itatampok ang nabanggit na proyekto na may layunin na gawing entrepreneur o negosyante ang pamilyang OFWs. Alam nating lahat na ang OFWs ay tinaguriang “modern-day heroes” dahilan sa kanilang malaking kontribusyon sa ating ekonomiya sa pamamagitan ng remittances. Tinatawag din silang OFIs o overseas Filipino investors dahilan sa ang ilan sa kanila ay nag-invest hindi lang sa abroad kundi pati na rin sa ating bansa. Malaki ang maitutulong ng pamilya ng OFWs upang maisalba ang lalo pang lumulubhang kalagayan ng ating ekonomiya na ang totoong responsable sa pagbulusok ay ang ating mga corrupt na government officials na ang pangunahing interes ay ang kanilang sariling bulsa. * * * Para sa inyong reaksyon, reklamo o sumbong, mag-text lang sa ating 24-hour na text messaging hotline na 0916-7421768 o kaya ay mag-e-mail sa gearcom2005@yahoo.com. Ang mga may problemang legal na gustong kumunsulta kay Atty. J. Oswald Lorenzo ay pwede ring mag-text sa nabanggit kong hotline number. Inaanyayahan ko po kayo na bumisita sa ating website na www.pamilyangofw-sme.com na kung saan ay inyo ring matutunghayan ang kolum na ito. Dapat na magkaisa po tayong lahat upang ipaglaban ang karapatan at itaguyod ang kapakanan ng ating modern-day heroes at kanilang pamilya. Hanggang sa Lunes, mabuhay ang pamilyang OFWs! # # #

Comments:
We found your column as very informative to us OFWs here and our families in the Philippines. We'll ask our relatives there to regularly read your column in Imbestigador. More power!